Excentricitat orbitala

L'excentricitat orbitala es un paramètre que definís la forma de l'orbita d'un còrs celestial.

En astrodinamica, segon los axiomes abituals una orbita deu èstre una figura en forma de seccion conica. L'excentricitat d'aquesta seccion conica, es un paràmetre de l'orbita que definís sa configuracion de forma absoluda. L'excentricitat pòt èstre interpretada coma la mesura de sa desviacion d'un cercle.

Segon las presompcions abitualas l'excentricitat (${\displaystyle e\,\!}$) es definida estrictament per las orbitas circularas, elliptica, parabolica e iperbolica e pòt prendre las valors seguentas:

• Per l'orbita circulara: ${\displaystyle e=0\,\!}$,
• Per l'orbita elliptica: ${\displaystyle 0<e<1\,\!}$,
• Per la trajectòria parabolica: ${\displaystyle e=1\,\!}$,
• Per la trajectòria iperbolica: ${\displaystyle e>1\,\!}$.