La microeconomia es la branca de l'economia qu'estúdia e modeliza lo comportament deis agents economics (consumaires, familhas, companhiás, etc.) e seis interaccions, especialament sus lei mercats. Es sovent considerada coma l'opausada de la macroeconomia que s'interèssa puslèu ai relacions qu'existisson entre leis agregats economics de granda talha, lo revengut nacionau, l'investiment, la consumacion, lo taus de caumatge, l'inflacion, etc. Pasmens, lei dos domenis correspondon mai que mai a d'apròchis diferents. Mai d'un sosbranca de la microeconomia existís coma la microeconomia teoria qu'estúdia lei concèptes e lei modèls ò la microeconomia aplicada que s'interèssa au foncionament reau d'un sector industriau donat, dau mercat dau trabalh, de la familha, de la criminalitat, etc.