Tanzania | |
Jamhuri ya Muungano wa Tanzania United Republic of Tanzania | |
Imne: Mungu ibariki Afrika | |
![]() | |
Administracion | |
---|---|
Capitala | Dodoma |
Forma de l'Estat | Republica |
President Primièr Ministre | Samia Suluhu Kassim Majaliwa |
Geografia | |
Vila principala | Dar es Salaam |
Superfícia | Classat 31en |
• Totala | 945 087 km² |
• Aiga (%) | 6,2 % |
Punt culminant | Kibo ![]() |
Demografia | |
• Totala | 61 741 120[1] ab. (2022) |
Gentilici | tanzanian -a |
Istòria | |
Independéncia | (del Reialme Unit) |
- Tanganyika - Zanzibar - unificacion | 9 de decembre de 1961 19 de decembre de 1963 26 d'abril de 1964. |
Autras informacions | |
Indicatiu telefonic | 255 |
Fus orari | +3 |
Domeni internet | .tz |
Tanzania, oficialament Republica Unida de Tanzania,[2] es un país d'Africa Orientala, situat dins la region tropicala de l'emisfèri sud. Confronta au nòrd Oganda e Kenya, a l'oèst Burundi, Rwanda e la Republica Democratica de Còngo (frontiera exclusivament lacustra pel lac Tanganyika), au sud Zambia, Malawi e Moçambic e a l'èst l'ocean Indian. Lo país a una superficia de 945 087 km² e la populacion supèra 60 milions d'abitants. Es una republica federala parlamentària de regime presidenciau que la capitala n'es Dodoma.
Si formèt en 1964 a partir de la fusion dei doas colonias britanicas dau Tanganyika Britanic e de Zanzibar vengudas independentas en 1961 e en 1964. Lo Tanganyika Britanic èra eissida dau partiment de l'Africa Orientala Alemanda entre Britanics e Bèlgas après la Premiera Guèrra Mondiala. De son caire, Zanzibar èra un protectorat britanic conclut a la fin dau sègle XIX entre Londres e lo sultanat de Zanzibar. Aquel estat s'èra format dins la region entre lei sègles XVII e XIX quand leis Omanés la conquistèron sus lei Portugués installats dempuei lei sègles XV e XVI.