Wikipedia:Administrator

Deng Administrators, Wikipedian lang maki "SysOp rights" o katuliran antimong SysOp. Agpang king patakaran a salukuyang mimiral king Wikipedia, e maigpit ing pamagkalub kaniti kareng malwat na muring manambag artikulu, at metung a kilala at pagtiwalan a kayanib ning komunidad. Ngeni, mitatas na keraklan ing batayan king pamamili kareti. Nanupata, mapilan la pa murin deng gagawan dang talapanibala balang paruminggu.

"E dapat maging maragul a pisasabyan iti," nga nang en:Jimmy Wales.

Kanitang bayu ya pamu ing Wikipedia, magsilbi la ngang talapanibala deng eganaganang gagamit, at king teorya, makanyan pa murin dapat. Malyari yang kimut anting talapanibala ing balang gagamit, basta e na sasabyang anti ya kanita nung e naman tutu, agyang e mipagkalubanan karagdagang katungkulan king pamanibala. Mas maragul ing tsansang imunikala dong talapanibala deng kayanib king komunidad deng gagamit a aktibu, at mas malagwa ra lang gawang ganap a talapanibala nung ila ing mimunikala.

Deng talapanibala ing asahan ning komunidad a ganap kareng karaniwan a obrang pamanyamasan (housekeeping) a mangaylangang karagdagang upaya, a pagkalub da kareng talapanibala. Kayabe kaniti ing pamagbante kareng Articles for deletion debates, pamanupad king kaburyan ning komunidad nung papanatilyan la o idayu deting artikulu, pamagbante kareng artikulung bayu o miyalilan bang ilako ing alatang pamanyira o “vandalism,” ampo ing pamakibat kareng pakisabi da reng gagamit a mangaylangan king upaya ning talapanibala.