La Rock and Roll Hall of Fame and Museum (â littra: Sala di fama e museu di rock and roll) cumprenni n'istitutu e museu chi s'attròvanu 'n Cleveland, Ohio, Stati Uniti, didicati, comu suggirisci lu nomu, a ricurdannu chiddi chi sunnu stati li cchiù granni e li cchiù canusciuti dâ mùsica rock and roll.
Quattru artisti vennu ntroduciuti ntrâ Hall of Fame ogni annu a Nova York. Li primi d'èssiri ntroduciti lu 23 di jinnaru dû 1986, cumprinneru Chuck Berry, James Brown, Ray Charles, Sam Cooke, Fats Domino, li Everly Brothers, Buddy Holly, Jerry Lee Lewis, Little Richard, e Elvis Presley.
Pi qualificari a essiri numinatu, si havi a passatu armenu 25 anni nzinu dâ nisciuta dû primu discu (dû aritista stissu). Chiddi chi vennu numinati avvìssiru avutu na nfruenza e significanza nnâ storia dâ mùsica di rock and roll. Comu succedi spissu a risputtu di sti gènira di premî e scelti, s'attròvanu li pulèmichi pi quantu riguarda lu prucessu a scègghiri chiddi chi vennu numinati (o cchiù pricisu, chiddi chi nun vennu numinati). P'asempiu, l'artisti di Heavy metal nun sunnu tantu rapprisintati.