Cheenae is a muckle kintra in Asie. Syne the Cheenese Ceevil War, Cheenae haes been splitten intae the mair muckle Communist Fowkrepublic o Cheenae (on the Cheenae mainlaund) an the smawer Republic o Cheenae on the island o Taiwan. Cheenae is ane o the maist auncient naitions in the warld, wi a heestory gaun back five thoosand year.
Baith the Republic an the Fowkrepublic threaps the hail o historical Cheenae territory as its ain (includin the mainlaund an the island o Taiwan), but the Fowkrepublic haes muckle mair o an airmy nor the Republic dis. The Unitit States an Fowkrepublic o Cheenae haes guid relations an the'r muckle tred; houaniver, the USA uphauds the Republic o Cheenae's richt tae exeest, an haes hecht tae weir the smaw Republic frae ony onding frae the Fowkrepublic. Forby thon, the Fowkrepublic o Cheenae haes owerins ower Hong Kong (that uisst tae be Breetish), an Macao (that uisst tae be Portuguese). Hong Kong an Macao haes been alloud haud wi a caipitalist economic seestem (unner the Ae kintra, twa seestems preenciple), but thay're aye poleetically thirlt tae the Fowkrepublic. The Fowkrepublic is becomin mair caipitalist an aw, an its ecomomy growes bi 9% the year, but the kintra bides offeecially communist, an aw poleetical pouer is sucken tae the Communist Pairtie o Cheenae. The Fowkrepublic set on an occupee'd Tibet in 1950; the Free Tibet Muivement haes mony uphauders aw oot-throu the warld. The Mongols that bides in Ooter Mongolie is aften wantin reunitit wi Mongolie.
The caipital ceety o the Fowkrepublic is Beijing, and its maist muckle ceety is Shanghai. Xi Jinping is Preses o the Fowkrepublic an General Secretar o the Communist Pairtie.
The caipital ceety o the Republic is Taipei. The Preses o the Republic is Ma Ying-jeou, frae the Cheenae Nationalist Pairty (Kuomintang/KMT).