Kenya

Jamhuri ya Kenya
Bendera Nembo
Kaulimbiu ya taifa: "Harambee"
Wimbo wa taifa: "Ee Mungu Nguvu Yetu"
Mahali pa Kenya
Ramani ya Kenya
Mji mkuu na mkubwa nchini	Nairobi 1°16′ S 36°48′ E
Lugha rasmi	Kiswahili Kiingereza
Lugha za taifa	Kiswahili
Serikali	Jamhuri
• Rais  • Makamu wa Rais  • Spika wa Seneti  • Spika wa Bunge  • Jaji Mkuu	William Ruto Rigathi Gachagua Amason Kingi Moses Wetangula Martha Koome
Eneo
• Eneo la jumla	km2 580 367[1]
• Maji (asilimia)	2.3
Idadi ya watu
• Kadirio la 2023	57 052 004[1]
• Sensa ya 2019	47 564 296[2]
Pato la taifa	Kadirio la 2023
• Jumla	USD bilioni 112.749[3]
• Kwa kila mtu	USD 2 187[3]
Pato halisi la taifa	Kadirio la 2023
• Jumla	USD bilioni 338.964[3]
• Kwa kila mtu	USD 6 576[3]
Maendeleo (2022)	0.601[4] - wastani
Sarafu	Shilingi ya Kenya
Majira ya saa	UTC+3 (Afrika Mashariki)
Muundo wa tarehe	siku/mwezi/mwaka
Upande wa magari	Kushoto
Msimbo wa simu	+254
Msimbo wa ISO 3166	KE
Jina la kikoa	.ke

Kenya, kirasmi Jamhuri ya Kenya, ni nchi iliyoko Afrika Mashariki katika ikweta, kando ya Bahari ya Hindi. Kenya imepakana na Ethiopia upande wa kaskazini, Somalia upande wa kaskazini mashariki, Tanzania upande wa kusini, Uganda na Ziwa Viktoria upande wa magharibi, kisha Sudan Kusini upande wa kaskazini magharibi. Mazingira na tabianchi za Kenya ni anuwai sana; nchini kuna mbuga mbalimbali wanamoishi aina elfu kadhaa za wanyamapori, milima ambayo imefunikwa na theluji (kwa mfano: Mlima Kenya, chanzo cha jina “Kenya”), misitu mikubwa mno, maeneo ya kilimo, halijoto wastani za Bonde la Ufa, na majangwa ya Chalbi na Nyiri. Nchi hiyo anuwai ina watu milioni 47.6 kwa mujibu wa sensa ya 2019.^[2] Kwa hivyo, Kenya ni nchi ya 28 kwa idadi ya watu duniani, na ya 7 kwa idadi ya watu barani Afrika. Mji mkuu na mkubwa nchini ni Nairobi, lakini Mombasa ni mji mashuhuri pia, ikiwa mji kongwe na bandari kuu iliyoko kwenye Kisiwa cha Mombasa. Miji mingine ni Nakuru, Ruiru, Eldoret, na Kisumu.

1. ↑ ^{1.0 1.1} "Kenya". The World Factbook (kwa Kiingereza) (toleo la 2024). Shirika la Ujasusi la Marekani. Iliwekwa mnamo 30 Machi 2024.{{cite web}}: CS1 maint: date auto-translated (link)
2. ↑ ^{2.0 2.1} "2019 Kenya Population and Housing Census Volume IV: Distribution of Population by Socio-Economic Characteristics". Kenya National Bureau of Statistics. Ilihifadhiwa kwenye nyaraka kutoka chanzo mnamo 5 Juni 2020. Iliwekwa mnamo 24 Machi 2020.{{cite web}}: CS1 maint: date auto-translated (link)
3. ↑ ^{3.0 3.1 3.2 3.3} "World Economic Outlook Database, October 2023 Edition. (Kenya)". IMF.org. International Monetary Fund. 10 Oktoba 2023. Iliwekwa mnamo 13 Oktoba 2023.{{cite web}}: CS1 maint: date auto-translated (link)
4. ↑ "Human Development Report 2023/24" (PDF) (kwa Kiingereza). Mradi wa Maendeleo wa Umoja wa Mataifa. 13 Machi 2024. uk. 289. Iliwekwa mnamo 13 Machi 2024.{{cite web}}: CS1 maint: date auto-translated (link)