Liechtenstein

Fürstentum Liechtenstein Kśynstwo Liechtensteinu
Fana Liechtensteinu Wapyn Liechtensteinu
Hymn: Oben am jungen Rhein (Nade modym Rynym)
Uoficjalno godka	mjymjecko
Używane godki	mjymjecko
Stolica	Vaduz
Polityczny systym	můnarchijo kůnstytucyjno
Gowa państwa	Princ Hans-Adam II
nastympca trůnu	princ Alois
Przikludziorz regjyrunku	prymjer Daniel Risch
Rozlygowańy  • cołkowity  • strzůdlůndowe wody	196. we śwjeće 160 km² 0%
Liczba ludźi (2014)  • cołkowito   • gynstość zaludńyńo	193. we śwjeće 37 340 227 osůb/km²
Religijo (głůwno)
Waluta	szwajcarski frank (CHF)
Czasowo zůna	UTC +1 – źima UTC +2 – lato
Kod ISO 3166	LI
Necowo důmyna	.li
Automobilowy kod	FL
Telefůniczny kod	+423
Autůnůmiczne terytoryja

Liechtenstein, Kśůnżynstwo Liechtenstein (mjym. Fürstentum Liechtenstein) to je ńywjelge państwo rozlygowane we zachodńij Ojropje, mjyndzy Austrijům a Szwajcaryjům, we gůrnym bjygu Rynu, we Alpach . Ńy mo dostympu do morzo.

Kwestyjo mjanowańo państwa ńy je we ślůnszczyźńe rozwjůnzano; je problyma ze tym, eli to mjůno trza by bůło blank ześlůnszczyć, eli ńy.

We strzedńich wjekach fůngowały sam dwa kśůnżynstwa - jedne ze stolicům we Vaduz, druge ze stolicům we Schellenbergu. Uobadwa kupił růd Liechtenstein, a we 1719 Austrijo uznała, iże je samodźelne kśůnżynstwo mjydzy krejůma Mjymjyckigo Cysarstwa. We 1866 Liechtenstein wyloz sy Mjymjyckigo Zwjůnzku a stoł śe blank ńypodlygły. Uod 1924 celno ůńijo ze Szwajcaryjům, ńyskorzi tyż walutowo a pocztowo uńijo. We absztimůngu we 2003 uobywatele dali srogszo władza fysztowi, bezcůż Liechtenstein mo terozki nojbarzi ze wszyjskich państw Ojropy podany na tradycyjno můnarchijo ůstrůj.

Państwowům religijům je sam rzimski katolicyzm, kery wyznowo 75% uobywatelůw.

Je to jedne sy nojbogatszych państw na śwjeće, skiż liberalnyj dowkowyj a bankowyj polityki.