Andijan Andijon/Андижон | |
---|---|
![]() | |
Mga koordinado: 40°47′N 72°20′E / 40.783°N 72.333°E | |
Bansa | ![]() |
Rehiyon | Rehiyon ng Andijan |
Unang banggit | ika-10 dantaon |
Lawak | |
• Kabuuan | 74.3 km2 (28.7 milya kuwadrado) |
Taas | 500 m (1,600 tal) |
Populasyon (2014) | |
• Kabuuan | 403,900 |
• Kapal | 5,400/km2 (14,000/milya kuwadrado) |
Sona ng oras | UTC+5 (UZT) |
• Tag-init (DST) | UTC+5 (hindi ipinatutupad) |
Kodigong postal | 170100[1] |
Kodigo ng lugar | +998 74[1] |
Websayt | andijan.uz |
Ang Andijan (minsan binabaybay na Andizhan sa Ingles) (Usbeko: Andijon / Андижон / ئەندىجان; Persa: اندیجان, Andijân/Andīǰān; Ruso: Андижан, Andižan) ay isang lungsod sa Uzbekistan. Ito ang sentrong pampangasiwaan, pang-ekonomiko, at pangkultura ng Rehiyon ng Andijan. Matatagpuan ang lungsod sa timog-silangang dulo ng Lambak ng Fergana malapit sa hangganan ng Uzbekistan sa Kyrgyzstan.
Isa ang Andijan sa mga pinakamatandang lungsod ng Lambak ng Fergana. Sa ilang bahagi ng lungsod, natagpuan ng mga arkeologo ang mga kagamitan na mula pa noong ika-7 at ika-8 siglo. Sa kasaysayan, isang mahalagang lungsod sa Daan ng Sutla ang Andijan. Mas-kilala ang lungsod bilang lugar ng kapanganakan ni Babur, ang unang emperador ng dinastiyang Mughal sa Subkontinenteng Indiyano, pagkaraan niyang itinatag ang saligan ng dinastiya kasunod ng serye ng mga balakid.
Bukod sa kahalagang pangkasaysayan at pangkultura nito, isa ring mahalagang pang-industriya na lungsod ng bansa ang Andijan. Kabilang sa mga yaring produkto ng lungsod ang mga kimikal, pambahay na kasangkapan, elektroniko, produktong pagkain, muwebles, araro, poso, sapatos, mga parte para sa mga makinaryang pansakahan, samu't-saring kagamitan pang-inhinyeriya, at silyang may gulong ('"wheelchair).