Bulubundukin ng Kaukasya

Bulubundukin ng Kaukasya
Bulubundukin
Ang mga pinahanan sa Khinalug sa Aserbayan ay may kasaysayan ng 5,000 taon at isa sa pinakamatandang pook sa buong mundo.
Mga bansa	Timog Rusya, Heorhiya, Aserbayan, Armenya, Hilagang Iran, Turkiya
Pinakamataas na tuldok	Bundok Elbrus
- elevation	5,642 m (18,510 ft)
- coordinates	43°21′18″N 42°26′31″E / 43.35500°N 42.44194°E / 43.35500; 42.44194
Haba	1,100 km (684 mi)
Lapad	160 km (99 mi)
Satellite image

Ang Bulubundukin ng Kaukasya (Ingles: Caucasus Mountains) ay isang bulubundukin sa Eurasia sa pagitan ng Dagat Itim at Dagat Kaspiyo sa rehiyon ng Kaukasya.

Binubuo ang Bulubundukin ng Kaukasya nang dalawang sisteman ng mga bundok:

• ang bulubundukin ng Malaking Kaukasya at
• ang bulubundukin ng Munting Kaukasya.

Ang Bulubundukin ng Malaking Kaukasya ay nakalatag mula Caucasian Natural Reserve sa may Sochi sa hilagang silangang dalamapasigan ng Dagat Itim, na binabagtas ang direksiyon mula silangang patimog-silangan at aabot malapi sa Baku sa Dagat Kaspiyo, samantalang ang Munting Kaukasya ay tumatakbo kahilera ng mas malaking bulubundukin, sa distansiya na mahigit-kumulang 100 km (60 mi) sa timog. Ang Bulubundukin ng Meskheti ay bahagi ng Munting Kaukasya. Ang Malaki at Munting Bulubundukin ng Kaukasya ay konektado ng Bulubundukin ng Likhi, na naghihiwalay sa Kapatagan ng Kolkhida mula sa Kapatagan ng Kura-Aras. Sa timog-silangan naman ang Bulubundukin ng Talysh. Ang Munting Kaukasya at ang Paltok ng Armenya ang bumubuo sa Paltok ng Transkaukasya. Ang pinakamataas na tugatog sa bulubundukin ng Kaukasya ay ang Bundok Elbrus sa Malaking Kaukasya, na may taas na 18,506 piye (5,642 metro) sa lebel ng dagat. Ilang mga bundok malapit sa Sochi ang pagdarausan ng ilang bahagi ng Palarong Olimpiko sa Taglamig 2014.