Inhinyeriyang pangkompyuter

Ang inhinyeriyang pangkompyuter (Ingles: computer engineering) ay isang disiplinang pang-akademiya na nagsasama-sama ng ilang mga larangan ng inhinyeriyang pangkuryente at agham na pangkompyuter na kailangan upang makapagpaunlad ng mga sistemang pangkompyuter.^[1] Ang mga inhinyerong pangkompyuter ay karaniwang mayroong pagsasanay sa inhinyeriyang pang-elektroniks (o inhinyeriyang elektrikal), disenyo ng sopwer, at integrasyon ng harwer at sopwer, sa halip na inhinyeriyang pangsopwer o inhinyeriyang elektroniko lamang. Ang mga inhinyerong pangkompyuter ay kasangkot sa maraming mga aspeto ng hardwer at sopwer ng pagkokompyut, magmula sa disenyo ng indibiduwal na mikroprosesor, mga kompyuter na personal, at mga superkompyuter, hanggang sa disenyo ng sirkito. Ang larangang ito ng inhinyeriya ay hindi lamang tumutuon sa kung paanong gumagana ang mga sistemang pangkompyuter, subalit gayundin ang kung paano sila naisasama sa loob ng isang mas malaking kasaklawan.^[2]

Ang pangkaraniwang mga gawain na kinasasangkutan ng mga inhinyerong pangkompyuter ay kinabibilangan ng pagsulat ng sopwer at firmware para sa nakabaon na mga mikrokontroler, pagdidisenyo ng mga tsip na VLSI, pagdidisenyo ng mga sensor ("pandama") na analog, na mabigat na sumasalalay sa paggamit ng mga sistemang dihital upang kontrolin at bantayan ang mga sistemang pangkuryente na katulad ng mga motor, mga komunikasyon, at mga sensor.

Sa maraming mga institusyon, ang mga nag-aaral ng inhinyeriyang pangkompyuter ay pinapayagang makapili ng mga pook ng malalim na pag-aaral sa kanilang taon bilang junior at senior, dahil ang buong haba ng kaalaman na ginagamit sa pagdidisenyo at paggamit ng mga kompyuter ay lampas sa nasasaklawan ng isang degri ng undergraduate. Ang ibang mga institusyon ay maaaring pangailanganin ang mga estudyante ng inhinyeriya na makakumpleto ng isang tao ng inhinyeriyang panglahatan (general engineering) bago makapagpahayag na pagtutuonan nila ng pansin ang inhinyeriyang pangkompyuter.^[3][4][5]

1. ↑ IEEE Computer Society; Association for Computing Machinery (12 Disyembre 2004). Computer Engineering 2004: Curriculum Guidelines for Undergraduate Degree Programs in Computer Engineering (PDF). p. iii. Nakuha noong 2006-04-21. Computer System engineering has traditionally been viewed as a combination of both electronic engineering (EE) and computer science (CS).{{cite book}}: CS1 maint: date auto-translated (link)
2. ↑ Trinity College Dublin. "What is Computer System Engineering". Nakuha noong 2006-04-21.{{cite web}}: CS1 maint: date auto-translated (link), "Computer engineers need not only to understand how computer systems themselves work, but also how they integrate into the larger picture. Consider the car. A modern car contains many separate computer systems for controlling such things as the engine timing, the brakes and the air bags. To be able to design and implement such a car, the computer engineer needs a broad theoretical understanding of all these various subsystems & how they interact."
3. ↑ "Changing Majors @ Clemson". Clemson University. Nakuha noong 20 Setyembre 2011.{{cite web}}: CS1 maint: date auto-translated (link)
4. ↑ "Declaring a College of Engineering Major". University of Arkansas. Inarkibo mula sa ang orihinal noong 2011-10-05. Nakuha noong 20 Setyembre 2011.{{cite web}}: CS1 maint: date auto-translated (link)
5. ↑ "Degree Requirements". Carnegie Mellon University. Nakuha noong 20 Setyembre 2011.{{cite web}}: CS1 maint: date auto-translated (link)