Davlat dumasi:
1) Rossiya imperiyasida 1906—1917-yillarda qonun chiqaruvchi vakolatli muassasa. 1905-yil 17-oktabr Manifesti bilan taʼsis qilingan. 1917-yil 6(19)-oktabrda Muvaqqat hukumat tomonidan tarqatib yuborilgan.
2) Rossiya Federatsiyasining 1993-yildagi konstitutsiyasiga koʻra Federal majlis ikki palatasidan biri. Deputatlarning yarmi siyosiy partiyalar va ijtimoiy harakatlar roʻyxatlari boʻyicha, qolgan yarmi majoritar tizimga muvofiq bir mandatli okruglar boʻyicha 4 yilga saylanadi.