Bu maqolada manbalar <ref></ref> teglariga olinmagan yoki umuman koʻrsatilmagan. |
Suryoniy taqvimi (suryoniycha: ܣܘܪܓܕܐ ܐܬܘܪܝܐ; arabcha: شهور سريانية shuhur suryoniya; forscha: گاهشماری سریانی) — Gʻarbiy Osiyoning tarixiy astronomik quyoshli taqvimlaridan biri. Arab tiliga tarjima qilingan bu oylarning nomlari hali ham Suriya va Iroqda Grigoriy taqvimida Yevropa nomlari oʻrnida keng qoʻllanadi. Bu oylarning nomlari baʼzan fors adabiyotida ham uchraydi: masalan, Shayx Abbos Qumiyning „Mafotih ul-Jinon“ nomli ibodat kitobida; ammo Eronda bu oylardan foydalanish endi yoʻqoldi. Bu oylarning nomlari usmonli turk tilida ham qoʻllanilgan va ulardan beshtasi hozirgi turk tilida hozirgacha qoʻllanilmoqda (şubat, nisan, haziran, temmuz, eylül).