iDullstroom, lilokishi lelitfolakala esifundzeni sase Mpumalanga, eNingizimu Afrika. Lelidolobha lisemakhilomitheni langu-35 (22 mi) enyakatfo ye-Belfast futsi lisemakhilomitseni langu-53 (33 mi) eningizimu-nshonalanga ye-Lydenburg emgwacweni we-R540. I-Dullstroom itfolakala esigodzini sase-Highveld lesitfolakala eNingizimu Afrika, futsi ngiko lokwenta kutsi simo sayo selitulu sehluke kakhulu kuletinye tindzawo.
Lendzawo yahlala bantfu besive semaNdebele emkhatsini we-19th century ngaphansi kweNkhosi Mabhoko (lebeyibitwa ngekutsi yiMapoch ngebantfu labamhlophe). Njengababe wakhe Nyabêla, Mabhoko wasebentisa iMapoch's Caves njengendzawo yekubhaca ngesikhatsi sekulwa nemabutfo ase South African Republic (ZAR). Imphi leneludlame kakhulu yenteka kusukela nga-1882 kuya ku-1883. I-Fort Mapoch lesedvute kanye nesitfombe sa-Nyabêla tintfo letinkhulu letikhangako eDullstroom.