VLAN

VLAN (Virtual Local Area Network) edo LAN sare birtuala sare fisiko baten barnean sare logiko independenteak sortzeko metodoa da.^[1] Sare logiko edo birtualak lotura geruzan isolatutako edozein broadcast domeinu dira. Hainbat VLAN kommutadore fisiko berean konfigura daitezke. Difusio domeinuak murrizteko erabilgarriak dira eta sare lokal bat segmentuetan bananduz, sarearen kudeaketa errazten dute.

VLAN bat konputagailu sare bik edo gehiagok osatzen dute. Sare horiek kommutadore berari konektatuta baleude bezala jokatzen dute, nahiz eta fisikoki sare lokalaren segmentu desberdinetara edota kommutadore desberdinetara konektatuta egon. Hau da, VLAN bateko ordenagailuak lotura mailan elkarren artean komunikatu daitezke.

1. ↑ Board., IEEE Computer Society. LAN/MAN Standards Committee. Institute of Electrical and Electronics Engineers. IEEE-SA Standards. IEEE standard for local and metropolitan area networks-- bridges and bridged networks.. ISBN 978-0-7381-9565-0. PMC 905723352. (Noiz kontsultatua: 2021-11-17).