Country of origin | Ethiopia ![]() |
---|---|
Intangible cultural heritage status | Representative List of the Intangible Cultural Heritage of Humanity ![]() |
Described at URL | https://ich.unesco.org/en/RL/01164, https://ich.unesco.org/fr/RL/01164, https://ich.unesco.org/es/RL/01164 ![]() |
Gadaa[1] (Oromo: Gadaa; literally: era) be de indigenous democratic system of governance de Oromos for Ethiopia den northern Kenya dey use.[1] De Konso den Gedeo people of southern Ethiopia sanso dey practice am. De system dey regulate political, economic, social den religious activities of de community.[2][3][4]
Under Gadaa, every eight years, de Oromo go choose by consensus nine leaders dem know as Salgan ya’ii Borana (de nine Borana assemblies).[5][6] Leader dem elect by de gadaa system dey remain for power insyd for 8 years per, plus election dey take place for de end of those 8 years.[7][8][9] Weneva Abbaa Gadaa die while dey exercise ein functions, de bokkuu (de symbol of power) dey pass to ein wife wey she dey keep de bokkuu den proclaim de laws.[10]
UNESCO inscribe de Gada system as Intangible Cultural Heritage since 2016.[11] Ebe de brainchild of Oromo from de Madda Walabu district of Oromia.[12][13] Oromo people regard de system as dema common heritage den as major part of dema cultural identity.[14] Ebe de system plus na wey de Oromo people dey govern dema body insyd democratic way for centuries.[15][16]
De Oromo govern dema body in accordance plus de Gadaa system long before de 16th century, wen major three party wars commence between dem den de Ethiopian Empire go dema north den Adal Sultanate go dema east den south. Na de result be say Oromo absorb de Christian den Islam religions. Na de Borana den Guji groups wey dey near de Ethiopian-Kenyan border dey practice Gadaa widout interruption. For de state of Oromia under de Federal system of Ethiopia insyd, de Gadaa system start renaissance across Oromia. For 2015 insyd, na dem inaugurate de Gadaa Center for Odaa Bultum insyd wey for 2018 insyd, dem reinstall de Gadaa Center for Odaa Hullee after two centuries of interruption.[17][18] Insyd 2019, Bule Hora University launch master's degree program insyd Gadaa studies.[19]